İSTİ XƏBƏRLƏR
» » Bakı və Sumqayıt şəhərlərində atmosfer havasının səyyar monitorinqi keçirilib

Bakı və Sumqayıt şəhərlərində atmosfer havasının səyyar monitorinqi keçirilib

Atmosfer havasının keyfiyyəti insan səhhətinə təsir göstərən amildir. Bakının ekoloji vəziyyətinin yaxşılaşdırılmasına yönələn irimiqyaslı layihələr icra olunur. Buna nümunə kimi şəhərin mərkəzində köhnəlmiş sənaye müəssisələrinin ləğv edilməsi, onların yerində gözəl istirahət məkanları, parkların salınmasını göstərmək olar.

Keyfiyyət göstəricilərini yüksəltmək üçün Bakı şəhərinin sürətlə yaşıllaşdırılması çox effektiv üsullardan biridir. Nazirlik tərəfindən bu sahəyə xüsusi diqqət yetirilir. Paytaxt sakinləri də bu prosesə fəal cəlb edilir. Belə ki, bu il yaz ağacəkmə kampaniyası zamanı əhaliyə 305 mindən çox ağac tingi paylanılıb. Bütün bunlar şəhər mühitinin sağlamlaşdırılmasına xidmət edir.

AZƏRTAC xəbər verir ki, bu sözləri Ekologiya və Təbii Sərvətlər Nazirliyinin Milli Hidrometeorologiya Departamentinin direktoru Umayra Tağıyeva mayın 22-də keçirilən mətbuat konfransında deyib.

"Görülən tədbirlərə baxmayaraq, dünyanın iri şəhərlərinə xas olan hava keyfiyyəti problemləri Bakı şəhəri üçün də səciyyəvidir. Burada iri sənaye müəssisələrinin cəmləşməsi, insanların sıx məskunlaşması ilə bağlı nəqliyyatın sayının çox olması atmosfer havasına öz mənfi təsirini göstərməkdədir.

Qeyd etmək lazımdır ki, atmosfer havasının keyfiyyəti daim nəzarətdə saxlanılır. Bu məqsədlə mütəmadi olaraq monitorinq keçirilir, istehsal sahələrinə müvafiq göstərişlər verilir. Belə ki, may ayında Bakı və Sumqayıt şəhərlərində atmosfer havasının səyyar monitorinqi keçirilib.

Paytaxtın Nəsimi, Xətai, Nizami, Səbail, Nərimanov, Yasamal və Sabunçu rayonlarında aparılan monitorinqlərin nəticələrinə görə çirkləndirici qaz qarışıqları sanitar normadan bir qədər çox olub. Bu da həmin ərazilərdə maşınların say çoxluğu ilə izah olunur.

Tozun miqdarının normadan yuxarı olması demək olar ki, Bakının bütün rayonlarında tikinti-quraşdırma fəaliyyətinin aparılması ilə bağlıdır.

Nəticələr göstərir ki, Xətai, Nizami və Sabunçu rayonlarının atmosfer havası digər inzibati rayonlardan fərqli olaraq daha çox çirklənməyə məruz qalır.

Nəqliyyatdan olan təsirləri müəyyənləşdirmək üçün Neftçilər, Dərnəgül, Nobel prospekti, 20 Yanvar, Lökbatan, Ukrayna dairələri, Şərifzadə küçəsi Xırdalan–Sumqayıt yolunda keçirilmiş monitorinqə görə azot 4-oksidin və dəm qazının konsentrasiyaları normanı aşıb. Nəqliyyatın fəaliyyətindən olan təsirlər ən çox Lökbatan dairəsində özünü göstərir. Bu yer həm şəhərdaxili, həm də səhərkənarı nəqliyyatın sıx hərəkət etdiyi ərazidir. Digər ərazilərlə müqayisədə Nobel prospektində daha əlverişsiz şərait müşahidə olunub ki, bu da Heydər Əliyev adına Neft Emalı Zavodunun fəaliyyətinin təsiri ilə bağlıdır. Zavodun ətrafında aparılan monitorinqin nəticələrinə görə çirkləndirici qaz qarışıqlarının konsentrasiyası digər ərazilərlə müqayisədə daha yüksək olub.

Təhlilləri müqayisəli aparmaq üçün Abşeron bağlarının yerləşdiyi ərazilərdə - Bilgəh, Mərdəkan, Novxanı və digər şəhərətrafı ərazilərdə atmosfer havasından nümunələr götürülüb və azot-4 oksid, kükürd qazı, dəm qazı, toz və aromatik karbohidrogenlərin - benzol, toluol, etil-benzol, orto-ksilol, metil-ksilol təyini üzrə analizlər aparılıb. Bu ərazilər hava keyfiyyətinə görə təmiz ərazilər kimi qiymətləndirilə bilər.

Sumqayıt şəhərində də analoji monitorinqlər həyata keçirilib. Nəticədə Tağıyev və Corat qəsəbələrində havanın keyfiyyət göstəriciləri sanitar norma daxilində olub.

Ümumiyyətlə, iki şəhər üzrə müqayisəli təhlilin nəticələrinə əsasən Sumqayıt şəhərinin atmosfer havasının keyfiyyəti daha əlverişlidir. Bu, bir daha göstərir ki, istehsalat sahələrində müasir yeni texnologiyaların tətbiqi ilə ekoloji vəziyyəti yaxşılaşdırmaq mümkündür", - deyə departamentin direktoru qeyd edib.

U.Tağıyeva nazirliyin atmosfer havasının daha təmiz olması və insanların sağlam yaşaması istiqamətində sağlamlaşdırıcı tədbirləri davam etdirdiyini də diqqətə çatdırıb.
Rəy bildir +
Oxşar xəbərlər
Sumqayıt ilin birinci rübünü necə keçirib?
10:5915 may

Sumqayıt ilin birinci rübünü necə keçirib?

Ötən həftə Sumqayıt şəhərində 2019-ci ilin birinci rübünün yekunları müzakirə olunub. Hesabat yığıncağında Sumqayıt Şəhər İcra Hakimiyyətinin başçısı Zakir Fərəcov, Prezident Administrasiyasının məsul işçisi Vəfadar Bağırov, idarə, müəssisə,  təşkilat hüquq-mühafizə orqanlarının rəhbərləri, eləcə

Zakir Fərəcov:  ”Sumqayıt Heydər Əliyevin  arzuladığı şəhərə çevrilib”
19:0714 may

Zakir Fərəcov: ”Sumqayıt Heydər Əliyevin arzuladığı şəhərə çevrilib”

Dövlətlərin və xalqların taleyində böyük şəxsiyyətlərin, müdrik rəhbərlərin müstəsna rolu onların tarixi missiyası kimi nəzərdən keçirilir. Heydər Əliyev kimi dahilər isə öz fəaliyyətləri ilə dövlətin və xalqın inkişaf salnaməsini və qürurdoğuran möhtəşəm tarixini yaradırlar. Xalqımızın ümummilli

Sumqayıt bulvarından reportaj
18:1030 aprel

Sumqayıt bulvarından reportaj

Yaponiyanın Osaka şəhərinin sadəcə Uzaq Şərqin deyil, dünyanın ən ecazkar şəhərlərindən biri olduğu, burada müasirliklə keçmişin, insan zəkasının yaratdığı xarüqələrlə təbiət gözəlliklərinin vəhdət təşkil etdiyi hər kəsə məlumdur.

Jurnalistlər Sumqayıtda ağac əkdi
12:1728 aprel

Jurnalistlər Sumqayıtda ağac əkdi

"Bu yaz özün bir təbiət yarat!" devizi ilə Ekologiya və Təbii Sərvətlər Nazirliyi tərəfindən başladılan yaz ağacəkmə kampaniyası çərçivəsində jurnalistlər bu dəfə Sumqayıt şəhərinin Nəsimi parkında ağac əkiblər.

Turizm zonasına  çevrilən şəhər
16:5216 aprel

Turizm zonasına çevrilən şəhər

Sumqayıtda bir "Şəhər bağı" vardı. İndiki Dövlət Dram Teatrının arxasında. Yadımdadır ki, 1-ci sinifdə oxuyarkən ilk dəfə həmin bağa ekskursiyaya getmişdik. Bitki aləmi çox zəngin idi. Biz orada xeyli oynadıq, ağacların çətiri altında nahar etdik. Sanki yaşıl bir adaya səyahətə çıxmışdıq. Ertəsi