İSTİ XƏBƏRLƏR
» » STP-dən önəmli nailiyyət: ASME standartına uyğun təzyiq çənləri

STP-dən önəmli nailiyyət: ASME standartına uyğun təzyiq çənləri

Sumqayıt Texnologiyalar Parkı önəmli nailiyyətə imza atıb. STP-nin Ağır Maşınqayırma Zavodu ASME Code (American Society of Mechanical Engineers) standartına uyğun təzyiq altında işləyən çən istehsal edib. Təzyiq çəni Heydər Əliyev adına Neft Emalı Zavodunun yenidən qurulması və modernləşdirilməsi layihəsi çərçivəsində SOCAR-ın sifarişi əsasında hazırlanıb. Məhsulun istehsalı Neft Emalı Zavodunun modernləşdirilməsi layihəsinin podratçı şirkəti “Teknimont”un nəzarəti altında həyata keçirilib. Sifariş, ümumilikdə, 13 ədəd müxtəlif ölçülərdə və eyni zamanda, fərqli dizaynda çənlər istehsalını nəzərdə tutur.

STP-dən AZƏRTAC-a bildiriblər ki, ASME Code sertifikatlı təzyiq çənlərinin istehsalı ölkəmiz və eyni zamanda, Xəzəryanı ölkələr üçün də çox vacib hadisədir. Bu nailiyyət Texnopark üçün yeni imkanlar yaradır. Belə ki, müəssisə Xəzəryanı ölkələrə, Avropaya və eləcə də digər xarici dövlətlərə təzyiq çənləri ixrac edə biləcək. Bu da öz növbəsində həm şirkətin, həm də ölkənin imicinə böyük töhfə olacaq.

Bundan öncə Azərbaycanda istehsal olunmuş çənlər GOST standart əsasında istehsal olunub ki, bu da yalnız keçmiş sovet ölkələrinə satış etmək imkanı verirdi. ASME standartı ilə istehsal olunan çənlər isə dünyanın bütün inkişaf etmiş və inkişaf etməkdə olan ölkələrində həyata keçirilən irihəcmli layihələrə satış imkanı verir. ASME Code standartı ilə hazırlanmış təzyiq çənləri neftayırma zavodlarında, nasos stansiyalarında, dənizdə yerləşən neft platformalarında, gəmilərdə və. s geniş istifadə olunur.

ASME sertifikatını almaq önəmli hadisədir. Belə ki, ASME standartının maddi-texniki baza və təhlükəsizlik şərtləri çox ciddi və spesifik olduğundan hər şirkət bu sertifikatı əldə edə bilmir. ASME standart olmaqdan əlavə, həm də mədəniyyətdir.

STP adıçəkilən standarta müvafiq ASME sertifikat və aidiyyəti üzrə alt möhürlərini 2018-ci ildə əldə edib.

Qeyd edək ki, Sumqayıt Texnologiyalar Parkı (STP) regionda texnoparkların yaradılmasında pioner olmaqla, müxtəlif istehsalat sahələri üzrə ixtisaslaşmış nəhəng zavodlar kompleksidir. Park 2009-cu il dekabrın 22-də dövlət başçısı İlham Əliyev tərəfindən istismara verilib. Hazırda STP-də mövcud olan 13 zavodda 30-dan çox istehsal sahəsi fəaliyyət göstərir. Zavodlar kompleksi neft və qaz, tikinti, energetika və kənd təsərrüfatı sənayesi üçün geniş çeşiddə məhsullar istehsal edir. Kabel, polimer boru, elektrik avadanlıqları, metal konstruksiyalar, qəliblər, press formalar və ştamplar bu məhsullardandır.
Rəy bildir +
pay day loans in pa loan get loan bad credit cash advance loan cash in an hour
13 noyabr 2019 04:40
Oxşar xəbərlər
"2019-cu ildə   ixracımız 40 faiz artıb"
18:0325 sentyabr

"2019-cu ildə ixracımız 40 faiz artıb"

Bu gün Sumqayıt Texnologiyalar Parkı (STP) ölkə iqtisadiyyatında mühüm iştirakçı kimi çıxış edir. Qonağımız qurumun Brendinq/Marketinq departamentinin direktoru Nihad Mustafazadədir.

"SOCAR Karbamid" özünü necə doğruldur?
17:0721 avqust

"SOCAR Karbamid" özünü necə doğruldur?

2019-cu ilin yanvar-iyun aylarında Azərbaycanda 37,8 milyard manatlıq və ya əvvəlki ilin müvafiq dövrü ilə müqayisədə 2,4 faiz çox ümumi daxili məhsul istehsal edilib. Bu dövrdə iqtisadiyyatın qeyri neft-qaz sektorunda istehsal olunmuş əlavə dəyər 3,2 faiz artıb. Statistikaya görə, son illər

Sumqayıtda 2019-cu ilin birinci yarısında hansı işlər görülüb?
14:5910 avqust

Sumqayıtda 2019-cu ilin birinci yarısında hansı işlər görülüb?

2019-cu ilin birinci yarısında Sumqayıt şəhərinin sosial-iqtisadi inkişafının yekunlarına və qarşıda duran vəzifələrə həsr olunan hesabat yığıncağı keçirilib.

Şəhərimiz necə dəyişir?
15:3606 iyun

Şəhərimiz necə dəyişir?

İstər Sovet rejiminin hökm sürdüyü illərdə, istərsə də müstəqillik dövründə Sumqayıt dostluğun ünvanı kimi tanınmışdır. Bu ünvanı ilk tanıyan Gürcüstanın metallurqlar şəhəri Rustavi oldu. Sonralar bu qapını Rumıniyanın Piteşti (1971), Ukraynanın Çerkassı (1972) şəhərləri döymüşlər. Hal-hazırda

Zakir Fərəcov:  ”Sumqayıt Heydər Əliyevin  arzuladığı şəhərə çevrilib”
19:0714 may

Zakir Fərəcov: ”Sumqayıt Heydər Əliyevin arzuladığı şəhərə çevrilib”

Dövlətlərin və xalqların taleyində böyük şəxsiyyətlərin, müdrik rəhbərlərin müstəsna rolu onların tarixi missiyası kimi nəzərdən keçirilir. Heydər Əliyev kimi dahilər isə öz fəaliyyətləri ilə dövlətin və xalqın inkişaf salnaməsini və qürurdoğuran möhtəşəm tarixini yaradırlar. Xalqımızın ümummilli