İSTİ XƏBƏRLƏR
» » “Made in Azerbaijan” brendinin layiqli təmsilçisi STP “Power Almatı” sərgisində iştirak edir

“Made in Azerbaijan” brendinin layiqli təmsilçisi STP “Power Almatı” sərgisində iştirak edir



Azərbaycanın ən böyük kabel ixracatçısı olan Sumqayıt Texnologiyalar Parkı (STP) “Made in Azerbaijan” markasını xarici bazarlarda uğurla tanıtmağa davam edir. Qazaxıstanın Almatı şəhərində oktyabrın 23-25-də təşkil olunan enerji, elektrik avadanlıqları və maşınqayırma sahələrini əhatə edən 18-ci “Power Almaty” sərgisində iştirak edən texnopark “STP Kabel” adı altında istehsal etdiyi alçaq, orta, yüksək və ifrat yüksək gərginlikli kabel məhsullarını nümayişə çıxarıb.

STP-nin İctimaiyyətlə Əlaqələr üzrə Menecer, Brendinq Departamentindən AZƏRTAC-a bildiriblər ki, “Power Almaty” sərgisində iştirak etməklə STP öz məhsul və imkanlarını Qazaxıstanla yanaşı Rusiya, Qırğızıstan, Özbəkistan kimi qonşu dövlətlərinə də tanıtmaq, satış coğrafiyasını genişləndirmək məqsədi güdür.

Qazaxıstan “STP Kabel” məhsullarının etibar qazandığı və ən çox ixrac olunan ölkədir. Müəssisə son illər Almaniya, Rusiya, Türkiyə və Çin kimi ölkələri qabaqlayaraq Ogtoqay Dağ Mədəni və Tengiz Neft Yatağı kimi iri layihələrin tenderində qalib gəlib və böyük həcmli kabel satışı həyata keçirib.

Texnoparkın stend və komandası ziyarətçilərin və təşkilatçıların xüsusi marağına səbəb olub və təşkilatçılar tərəfindən “Best stand Team” mükafatına layiq görülüb.

“Power Expo Almaty” sərgisi 2001-ci ildən başlayaraq hər il keçirilir. Ən müasir avadanlıqlar, məhsullar və xidmətlər sərgilənən tədbir biznes görüşlərinin keçirilməsi, təcrübə mübadiləsi, yeni əlaqələr qurulması və işgüzar əlaqələrinin qurulması üçün çox faydalı platformadır. Qazaxıstan Respublikası Enerji Nazirliyi, Almatı Şəhər İcra Hakimiyyəti və Qazaxıstan Elektrik Birliyi kimi qurumlar tərəfindən dəstək göstərilən sərgi Azərbaycan, Avstriya, Belarus, Almaniya, İran, İtaliya, Çin, Polşa, Rusiya, Türkiyə, Ukrayna və Çexiyadan şirkətləri cəlb edə bilib. Bu ölkələrdən ümumilikdə 120-yə yaxın şirkət öz məhsul və xidmətlərini nümayişə çıxarıb. Tədbir ərzində Qazaxıstan, Qırğızıstan və Özbəkistanı təmsil edən mütəxəssislər, müəssisələrin rəhbərləri də daxil olmaqla, 2 mindən çox ziyarətçinin gəlməsi gözlənilir.

Qeyd edək ki, Sumqayıt Texnologiyalar Parkı (STP) regionda texnoparkların yaradılmasında pioner olmaqla, müxtəlif istehsalat sahələri üzrə ixtisaslaşmış nəhəng zavodlar kompleksidir. Park 2009-cu il dekabr ayının 22-də dövlət başçısı İlham Əliyev tərəfindən istismara verilib. Hazırda STP-də mövcud olan 13 zavodda 30-dan çox istehsal sahəsi fəaliyyət göstərir. Zavodlar kompleksi neft və qaz, tikinti, energetika və kənd təsərrüfatı sənayesi üçün geniş çeşiddə məhsullar istehsal edir. Kabel, Polimer boru, elektrik avadanlıqları, metal konstruksiyalar, qəliblər, press formalar və ştamplar bu məhsullardandır.
Rəy bildir +
Oxşar xəbərlər
STP-dən önəmli nailiyyət: ASME standartına uyğun təzyiq çənləri
14:2617 oktyabr

STP-dən önəmli nailiyyət: ASME standartına uyğun təzyiq çənləri

Sumqayıt Texnologiyalar Parkı önəmli nailiyyətə imza atıb. STP-nin Ağır Maşınqayırma Zavodu ASME Code (American Society of Mechanical Engineers) standartına uyğun təzyiq altında işləyən çən istehsal edib. Təzyiq çəni Heydər Əliyev adına Neft Emalı Zavodunun yenidən qurulması və modernləşdirilməsi

"2019-cu ildə   ixracımız 40 faiz artıb"
18:0325 sentyabr

"2019-cu ildə ixracımız 40 faiz artıb"

Bu gün Sumqayıt Texnologiyalar Parkı (STP) ölkə iqtisadiyyatında mühüm iştirakçı kimi çıxış edir. Qonağımız qurumun Brendinq/Marketinq departamentinin direktoru Nihad Mustafazadədir.

Sumqayıt Texnologiyalar Parkı Qazaxıstanın “Tengiz” yatağı üçün kabel ixrac edib
13:3903 iyul

Sumqayıt Texnologiyalar Parkı Qazaxıstanın “Tengiz” yatağı üçün kabel ixrac edib

Azərbaycanın ən böyük kabel ixracatçısı olan Sumqayıt Texnologiyalar Parkı (STP) Qazaxıstanın “Tengiz” yatağının elektrik xətlərinin qurulması üçün nəzərdə tutulmuş kabel məhsullarının ixracını həyata keçirib.

Şəhərimiz necə dəyişir?
15:3606 iyun

Şəhərimiz necə dəyişir?

İstər Sovet rejiminin hökm sürdüyü illərdə, istərsə də müstəqillik dövründə Sumqayıt dostluğun ünvanı kimi tanınmışdır. Bu ünvanı ilk tanıyan Gürcüstanın metallurqlar şəhəri Rustavi oldu. Sonralar bu qapını Rumıniyanın Piteşti (1971), Ukraynanın Çerkassı (1972) şəhərləri döymüşlər. Hal-hazırda

Evlərimizə işıq gətirən adam
15:1704 iyun

Evlərimizə işıq gətirən adam

O, öz uğurunu sanki gənclik şəhərinin 15, özünün isə 45 yaşına həsr etmişdi. Bugünlər görkəmli energetikin 100 illik yubileyidir