İSTİ XƏBƏRLƏR
168saat.com » Qapqara » Sumqayıtda qətl və bir neçə ağır cinayət törədən şəxs tutulub

Sumqayıtda qətl və bir neçə ağır cinayət törədən şəxs tutulub

 
Sumqayıtda bir neçə ağır cinayət törədərək istintaqdan yayınan və barəsində axtarış elan edilən şəxs Daxili İşlər Nazirliyinin (DİN) Baş Cinayət Axtarış İdarəsinin və Sumqayıt Şəhər Polis İdarəsinin əməkdaşları tərəfindən keçirilən birgə əməliyyat-axtarış tədbiri nəticəsində saxlanılıb.

DİN-in mətbuat xidmətindən AZƏRTAC-a bildiriblər ki, əvvəllər Cinayət Məcəlləsinin 145.2-ci, 226.1-ci (köhnə redaksiyada), 221.3-cü, 228-ci, 229.1-ci, 120.1-ci 234.1-ci və 182.2.4-cü maddələri ilə dəfələrlə məhkum olunmuş “Əmioğlu” ləqəbli Eldar Cabbarov həyata keçirilən uğurlu əməliyyat nəticəsində tutulub. Saxlanılan zaman onun üzərindən 10,480 qram heroin və 3,478 qram tiryək aşkarlanaraq götürülüb.

İstintaq zamanı, həmçinin müəyyən edilib ki, Eldar Cabbarov ötən ilin sentyabrında Sumqayıt şəhəri 21-ci mikrorayon ərazisində tanışı Eldəniz Səmədovun “Mercedes” markalı avtomobilini və həmin nəqliyyat vasitəsinin yük yerində olan 4350 manat məbləğində nağd pulu hədə-qorxu ilə tələb edərək ondan alıb.

Sumqayıt Şəhər Polis İdarəsində Eldar Cabbarovun ətrafında keçirilən əlavə əməliyyat tədbirləri ilə onun fevralın 22-dən Sumqayıt şəhəri ərazisindən idarə etdiyi “Mercedes” markalı avtomobillə birgə itkin düşmüş Zaur Mircəfərovu odlu silahla qətlə yetirdiyi də müəyyən olunub. Eldar Cabbarov həmin şəxsi qətlə yetirəndən sonra izi itirmək məqsədilə meyiti Abşeron rayonunun Masazır qəsəbəsində tikilməkdə olan evlərin birinin zirzəmisində basdırıb. Sumqayıt Şəhər Polis İdarəsinin əməkdaşları meyitin yerini müəyyənləşdirərək ekshumasiya ediblər. Eldar Cabbarov qətli törədən zaman istifadə etdiyi “Makarov” markalı odlu silahı patronları ilə birgə polis əməkdaşlarına təhvil verib.

Faktlarla bağlı Sumqayıt Şəhər Prokurorluğunda Cinayət Məcəlləsinin müvafiq maddələri ilə cinayət işi başlanıb. Eldar Cabbarov barəsində məhkəmənin qərarı ilə həbs qətimkan tədbiri seçilib.

Onun ətrafının və cinayət əlaqələrinin müəyyən edilməsi istiqamətində əməliyyat-axtarış tədbirləri həyata keçirilir. Bu şəxsin əməllərindən zərərçəkən başqa vətəndaşlar varsa DİN-in 102 - Zəng Mərkəzinə və ya Sumqayıt Şəhər Polis İdarəsinə müraciət edə bilərlər.
Rəy bildir +
Oxşar xəbərlər
Terror planı: "Sumqayıt camaatı" adlı qrupun üzvləri Bakıda qarətlər törətməli, əldə edilən pul vəsaiti hesabına əlavə silah-sursat tədarükü görməli, terrorçuluq hərəkətləri həyata keçirməli idi
11:4218 sentyabr

Terror planı: "Sumqayıt camaatı" adlı qrupun üzvləri Bakıda qarətlər törətməli, əldə edilən pul vəsaiti hesabına əlavə silah-sursat tədarükü görməli, terrorçuluq hərəkətləri həyata keçirməli idi

Ötən həftə Sumqayıt Apelyasiya Məhkəməsində "Meşə qardaşları" adlı qanunsuz silahlı birləşmələrdə döyüşməkdə təqsirləndirilən Əhməd Məhərrəmovun şikayəti üzrə məhkəmə prosesi başa çatıb.

Prezident İlham Əliyev Sumqayıtın 70 illiyinə həsr olunmuş tədbirdə iştirak edib
17:0021 noyabr

Prezident İlham Əliyev Sumqayıtın 70 illiyinə həsr olunmuş tədbirdə iştirak edib

Azərbaycan Respublikasının Prezidenti İlham Əliyev noyabrın 21-də Sumqayıt Dövlət Dram Teatrında şəhərin 70 illiyinə həsr olunmuş tədbirdə iştirak edib. AZƏRTAC xəbər verir ki, dövlətimizin başçısı tədbirdə geniş nitq söylədi.

1963-cü ilin 7 noyabrında Sumqayıtda nə baş vermişdi?     İstintaq davam edir
11:4630 oktyabr

1963-cü ilin 7 noyabrında Sumqayıtda nə baş vermişdi? İstintaq davam edir

Xruşşovun 1957-ci ildə başladığı iqtisadi islahatlar müsbət nəticə vermədi. İslahat nəinki ölkənin qızıl ehtiyatlarını qorudu, əksinə, ildən-ilə bu ehtiyat sürətlə azalmağa başladı. Əgər 1953-cü ildə sovet hökuməti Moskva Xalq Bankı vasitəsilə xaricdən ərzaq məhsulları almaq üçün 250 ton qızıl sərf

67 minlik oğurluq
11:5913 yanvar

67 minlik oğurluq

Sumqayıt polisi “isti izlərlə” cinayətkarları yaxaladı Sumqayıt şəhəri Xudafərin küçəsində yerləşən evlərdən birindən oğurluq edilib. Daxili İşlər Nazirliyinin mətbuat xidmətindən Xeberle.com-a verilən məlumata görə, hadisə ilə bağlı Sumqayıt Şəhər Polis İdarəsinə müraciət edən ev sahibi dekabr

Sumqayıtda 2019-cu ilin birinci yarısında hansı işlər görülüb?
14:5910 avqust

Sumqayıtda 2019-cu ilin birinci yarısında hansı işlər görülüb?

2019-cu ilin birinci yarısında Sumqayıt şəhərinin sosial-iqtisadi inkişafının yekunlarına və qarşıda duran vəzifələrə həsr olunan hesabat yığıncağı keçirilib.